मुठभर शब्द

राम जन्माच्या दिनी ग्लॉसी पेपरवर आलेला
श्रीरामाचा फुलपेज फोटो आणि...
.
.
आई, तू रामाचा फोटो
रद्दीत टाकतेय?
अगं राम तर देव आहे
त्याची पूजा करायची असते
भजन, आरती करायची असते
... काका करतात
बघ अशी...
.
.
तिची पूजा सुरुच असते...
तोच पेपर उडत जाऊन
तिच्या बाबांच्या पायाजवळ पडतो
बाबा, राम पाया पडतो बघ तुझ्या...
.
.
मग त्याला टेबलाशी घेऊन बसतं
राम असा निळा का दिसतोय
सिरीयल मधला राम तर गोरा दिसतो..?
असे सावळ्या लोकांना निळे का दाखवितात वैगेरे, वैगेरे...
.
.
आणि मग बर्‍याच दिवसानी
त्या फुलपेज रामाशी
बोलणं-चालणं बंद झाल्याचे पाहून
आलीची वाट पाहिली...
.
.
तर एक दिवस
- मैं अली का भाई सय्यद हूं जी म्हणत
रद्दी मोजता मोजता
त्यानेही रामाचा फोटो अलगद बाहेर काढून ठेवला

हे राम..
__________________________