मुठभर शब्द

तू कधीतरी विचारशील म्हणून
उत्तरांची तयारी करतेय...

तु विचारशील
- कशी आहेस?
तर सांगेन
तुझ्या शिवाय कशी राहील?

तु विचारशील
- कुठे आहेस?
तर सांगेन
तुझ्यापासून खुssप दूर...

तु विचारशील
- काय करतेस?
तर सांगेन
गणित सोडवतेय... हल्ली सुत्र मांडून
दोन बोटांमधील आकडेवारीने
बरीच गणित चुकलीत माझी...

जिव्हारी लागेल.

मग काहीश्या काळजीने म्हणशील
- काळजी घे!!!
मी तुझं उत्तर तुलाच परत करेन
काळजी घेतल्याने काय होईल?
............................................
त्यानंतरचा संवाद श्वासांचा.
श्वासांचा अर्थ कळतो
शब्दांचे अर्थ सलतात
म्हणून मग
श्वासा-श्वासातील अंतर मिटेपर्यंत
तुझे माझे मौन...

__________________________